Asociación Cultural y Recreativa El Cascayu-Tolivia

VI CARRERA LES MELONERES

2011-07-26T15:40:00.001Z

DOMINGO, 7 D'AGOSTU 2011

CARRERA 2011

El día 7 d'agostu a les 11:00 h. daráse la salida a la VI Carrera de montaña Les Meloneres, Tolivia,
El recorríu será el mismu de otros años con una distancia de 16,200 km. aprox.
La inscripción pue facese por correo al mail: acrcascayutolivia@hotmail.com o al númeru tlfn 679395319 ó al 639733582
El preciu será 10 euros a pagar el mismu día de la carrera hasta media hora antes de la salida.
El númeru de participantes másimu será de 80 corredores por estrictu orden de inscripción.
Dempués de finalizar la prueba fadráse una espicha pa los/es participantes.
Habrá tamién premiu pa los tres primeros de cada categoría.

MERCÁU 2010

2010-05-30T11:39:00.003Z

Los dís 5 y 6 de xunu volvemos a cellebrar el VI Mercáu Tradicional.

Como davezu, el sitiu perfectu pa pasar unos dís comiendo productos de la tierra, bona sidra, o vinu, y un ambiente festivu perguapu.

FOTOS CARRERA LES MELONERES

2010-04-19T21:08:00.002Z

GRAN ÉSITU DE LA CARRERA : RECORD DE PARTICIPANTES, RECORD DE LA PRUEBA, NUN SE MANCÓ NAIDE... ¿¿HAI QUIÉN DE MÁS ...??

YA PODEMOS VER DELLES DE FOTOS DE LA CARRERA DESTI AÑU AQUÍ: http://picasaweb.google.es/nachocosio/LesMeloneres2010#

PUE VESE LA CLASIFICACIÓN XENERAL NEL BLOG DE LA CARRERA LES MELONERES http://carreralesmeloneres.blogspot.com/

Carrera de Montaña Les Meloneres 2010

2010-04-03T19:02:00.000Z

El día 18 d'abril a les 11:00 h. daráse la salida a la V Carrera de montaña Les Meloneres, Tolivia,
El recorríu será el mismu de otros años con una distancia de 16,200 km. aprox.
La inscripción pue facese por correo al mail: acrcascayutolivia@hotmail.com o al númeru tlfn 679395319 ó al 639733582
El preciu será 10 euros a pagar el mismu día de la carrera hasta media hora antes de la salida.
El númeru de participantes másimu será de 80 corredores por estrictu orden de inscripción.
Dempués de finalizar la prueba fadráse una espicha con sorteos de material deportivu y un fin de semana nuna casa rural pa dos persones, ente los/es participantes.
Habrá tamién premiu pa los tres primeros de cada categoría.

LOTERÍA DE NAVIDÁ

2009-10-11T18:31:00.001Z

Ya tenemos la Loteria pa esti añu. El que quiera vendelo que pase pol talonariu pel Cascayu.
Esti añu "tengo un pálpitu".

Escursión Ruta Los Mineros

2009-09-17T21:13:00.001Z

El Domingu día 20 de setiembre faese la Ruta los Mineros: Tolivia -La Güeria. Salida del Cascayu a les 9 la mañana.

ESCURSIÓN AL BOTÁNICU

2009-08-08T09:07:00.000Z

NOCHE MITOLÓXICA NEL BOTÁNICU DE XIXÓN

TAMOS PREPARANDO UNA ESCURSIÓN PA NENOS Y GRANDES AL XARDÍN BOTÁNICU DE XIXÓN.

SERÁ EL DÍA 29 D’AGOSTU.

EL TRANSPORTE SERÁ PARTICULAR, PERO MEYOR QUEDAR TODOS PA DIR COMPLETANDO PLAZES.

SALIDA DEL CASCAYU A LES 17:00 H

MERIENDA-CENA EN EL MERENDERU “ LES PEÑES” CONSISTENTE EN ESPICHA CON TAPES Y SIDRA. ESTO PAGÁMOSLO A ESCOTE. LOS MENORES DE 18 AÑOS GRATIS.

A LES 22:00 H ENTRADA AL BOTÁNICU:

ADULTOS 15 € CON CONSUMICIÓN

DE 6 A 12 AÑOS, 10 € CON CONSUMICIÓN

LOS SOCIOS MENORES DE 18 AÑOS, GRATIS

NEL BOTÁNICU FAEN UN ESPECTÁCULU DE MITOLOXÍA CON CUÉLEBRES, TRASGOS, ETC. PREPARAIVOS PA PASAR MUNCHU MIÉU Y MUNCHA RISA.

DEMPUÉS TÓMASE ALGO NA TERRAZA DEL XARDÍN Y VUELTA PA TOLIVIA.

EL TRANSPORTE YE POR CUENTA PROPIA.

SI TE INTERESA AVISA ANTES DEL 16 D’AGOSTU, LES PLAZES SON LIMITAES.

TLFN. 655 799 987 / 653 625 745

CONFIRMACIÓN DE FECHES

2009-04-10T15:00:00.004Z

Como ya sabreis, hai cambiu de feches pal Mercáu: será los dís 30 y 31 de mayu.
La concidencia col festival de la sidra na Pola y les elecciones pal parlamentu europeu fixéronmos adelantar la custión.
Y lo que ya tenemos ahí ye la carrera de montaña de Les Meloneres, pal domingu 26 d'abril. Tolos que quieran colaborar cola organización y desarrollu de la prueba que vengan pel Cascayu esi día hacia les 9 de la mañana.

PRIMAVERA EN TOLIVIA

2009-04-04T13:15:00.002Z

Pasó l'inviernu y ya tamos en marcha col Mercáu 2009.
Pero antes será La Carrera de Les Meloneres el 26 d'abril a les 11:00 h. con salida y llegada nel Cascayu. (Nun dexeis de venir a animar a toa esta xente tan sufría)
El Mercáu será los dís 6 y 7 de xunu, en principiu y si nun hai movida. Ya sabreis que en esa misma fecha l'ayuntamientu organiza el festival de la sidra ( Ye una putada la coincidencia pero a estes altures ya nun podemos cambiar la fecha)
Tamién se tá mirando la manera de facer la Ruta a Covadonga, si ta la xente animao... Los/es interesaos/es, contactar con Genoveva.
Y por fin, si nun hai cataclismo, van a empezar la obra de La Rectoral en unos díes. ¿Veremos, por fin, el Centru Social funcionando en Tolivia? Ya queda menos

CENA SOCIOS 09

2009-01-31T13:09:00.003Z

COMO YA SABREIS, LA CENA YE EL DÍA 28 DE FEBRERU A LES 21:30 EN VILLORIA.

MENÚ:

Aperitivu de bienvenida
Crema de nécores
Cabritu con patatinos
Tarta y xeláu

Detrás, baile col duo Habana

Preciu pa los socios/es 20€
Pa los/es que nun lo sean 35€
Los/es nenos/es socios/es menores de 14 años gratis

P'apuntase llamar a Alicia 639417082

FIESTES XINERU 09

2009-01-11T17:49:00.003Z

SÁBADU 17
Hacia les 14:30 h. fabada gratis pa los socios ( pa dir espantando'l fríu)
A les 17:30 h. xuegos pa la reciella. Y entamu del concursu de rana
Y pa les 22:30 h. baile por Jose Luis ( teclista)

DOMINGU 18
Pasucáis de gaita y tambor.
Dempués de misa procesión y puya'l ramu
Sesión vermú col grupu de cordionistes de Villoria
Concursu casadielles
Y pa finar, de tardi, estelar Medín show pa bailar ensin torna

Aprovechamos, como d'avezu, pa pagar la cuota de socios.

EMPIEZA OTRU AÑU (Y ACABA ESTI)

2008-12-28T22:10:00.004Z

Ya tamos acabando l'añu, y vamos intentar echar andar el blog.
Vamos dir poniendo les coses que vaigan saliendo.
Lo primero, la directiva saliente manda un saludu a tolos socios y despídese del so mandatu el día 28 d'avientu presentando les cuentes y la memoria d'actividaes na xunta de los socios (na que tabemos namás que 24).
Esi mesmu día informóse de cómo taba l'asuntu de La Rectoral, y les posibilidaes de poder facer un arreglu a cargu l'Ayuntamientu previu acuerdu de cesión col obispáu.
Dempués hubo que escoyer nueva xunta y, visto que naide taba pola llabor, alcordamos que tolos que tabemos na reunión mos comprometiéremos a siguir puxando pe l'Asociación. Asina que todos fadremos una xunta en comuña. Pero como hai que nomar dalgunos cargos fixéronse departamentos de xestión:
Como presidente: Olegario.
La secretaría pa Montse y Melendi.
La Tesorería pa Mari Carmen, Genoveva y Inés.
Los Festexos pa Mero, René, Michi
Y tolos demás: Vocales axuntáos a cualesquier departamentu que yos faiga falta.

CARRERA LES MELONERES

2008-04-05T22:10:00.002Z

Ya ta en plan la carrera pa esti añu. Teneis más información calcando aquí

FOTOS DEL MERCÁU

2007-06-14T18:57:00.000Z

Ya tengo delles fotos metíes nel album del Mercáu desti añu. Podeis veles en http://es.pg.photos.yahoo.com/ph/cascayu17/album?.dir=/edb7re2

ESCURSIÓN A BURGOS

2007-05-28T21:27:00.000Z

LOS DÍES 16 Y 17 DE XUNU TÁ PROGRAMADA UNA ESCURSIÓN A BURGOS.
HOTEL HUSA ARLANZÓN DE 3 ESTRELLES. VISITA PELA CIUDÁ, AL MONASTERIU DE STO. DOMINGO DE SILOS, LA RUTA AL GÓTICO BURGALÉS...
Y TODO POL MÓDICU PRECIUDE:
SOCIOS: 80€
NENOS SOCIOS: 0 €
NO SOCIOS: 95 €
NENOS NO SOCIOS: 70€
P'APUNTÁSE PASAR PEL CHIGRE DE L'ASOCIACIÓN O NEL TELÉFONU 985615350

NOVEDAES PA MAYU

2007-04-29T10:42:00.000Z

Esti mes tan preparaes munches movides, pa que nun se aburra naide .....
El 5 de Mayu a les 13 h. alcuentru colos candidatos a la alcaldía del conceyu.
El 19 y 20 La Ruta a Cuadonga
Y pel medio dir aperiando toles coses pal Mercáu Tradicional de 2 y 3 de xunu. Como tolos años fae falta el sofitu de tolos vecinos/es pa que siga siendo un ésitu, el meyor Mercáu de tola Cuenca....
Tamien tenemos les fotos de La Carrera a Les Meloneres en http://es.pg.photos.yahoo.com/ph/cascayu17/album?.dir=24eescd&.src=ph&store=&prodid=&.done=http%3a//es.pg.photos.yahoo.com/ph/cascayu17/my_photos

ENTE'L PRERROMÁNICU Y EL XELU

2007-03-12T20:40:00.000Z

LaXunta Directiva pon nel vuestru conocimientu que el domingu 18
de marzu ta programá una escursión que consistirá en:
. Visita a Sta. María del Naranco y S. Miguel de Lillo.
. Visita al Centru d'Interpretación del Prerrománicu Asturianu.
. Baxar a comer al centru d'Uviéu (caún onde quiera).
. Visita a la Esposición Internacional d'Estatues de Xelu
(abrigáivos bien que onde tan les estatues hai -80 de
temperatura).
La salida de Tolivia será a les 8,45 y la llegada sobre les 8 y media ó
les 9.
El preciu de la escursión ye:
9 Euros nenos
12 adultos socios
15 adultos no socios
Pa apuntase pasái pel chigre la asociación o llamái al teléfonu:
985 61 53 50 hasta el vienres a les 5 la tardi.
Un saludu.
La Xunta Directiva

FIN DE SEMANA EN EUSKADI

2006-10-14T08:03:00.000Z

YA TENEMOS CONCRETAO TOLO DEL VIAXE.
LA SALIDA YE A LES 7:30 H. DE TOLIVIA, Y A LES 7:40 DE LA POLA. EL QUE SE SUBA PEL CAMÍN QUE AVISE ÓNDE QUIER QUE LU RECOJAN.
LA COMIDA FADRÁSE EN BILBAO, CAÚN A SU AIRE.
A LES 15:45 TENEMOS RESERVADA LA ENTRADA AL MUSEO GUGGENHEIM. (RUÉGASE PUNTUALIDÁ).
DEPUÉS DIREMOS AL HOTEL EN SAN SEBASTIÁN: HOTEL MERCURE MONTE IGUELDO
ONDE TENEMOS TAMIÉN LA CENA, DESAYUNO Y COMIDA.
DEBIDO A PROBLEMAS CON LA AGENCIA HUBO QUE CAMBIAR DE HOTEL Y ESTO LLEVA UN INCREMENTU DE 10 EUROS. ASÍ QUE LOS PRECIOS SON DE 110 EUROS LOS SOCIOS Y 135 EUROS LOS NO SOCIOS. NEL PRECIU VAN INCLUIOS: HOTEL EN PENSIÓN COMPLETA, ENTRADA AL MUSEO Y AUTOCAR.
PEDIMOS DISCULPES POLES MOLESTIES QUE PUEDAN CAUSAR ESTOS CAMBIOS QUE FUERON AJENOS A LA ASOCIACIÓN.

FOTO HISTÓRICA

2006-10-09T23:12:00.000Z

Nun se sabe bien de qué añu ye la foto pero, más o menos, ente 1984 y 1986. El primer añu que se volvieron a facer les fiestes nel Cascayu fue en 1983 y l'escenariu taba enriba la paré del campu la iglesia, como se ve na foto. Yá en 1987, fíxose'l muro y echóse hormigón (dempués de cayer l'horru), quedando'l campu col tamañu actual. Esta semeya sacóla Paulina González (la fía d'Abilio) nel momentu de la salida de la Primera Carrera en madreñes de clavos. Hubo que dar dos o tres vueltes al pueblu y, amás de les madreñes, los participantes teníen que llevar cayáu y boina. De izquierda a drecha, anque nun se ven mui bien, vemos a Miguel, Jorge, Epi, Javi, Ricardo, Vidal... y Manu. Per detrás tán Roberto, José Luis el de Mador y Jorge'l de Bea. Tamién se ve mediu cuerpu de César y el guaje de la drecha ye Pablo'l de Mari Trini. Pámique ganó Ricardo, siguíu de Michi, que yá yera toa una promesa del cross. ¡Qué tiempos!

FIN DE SEMANA EN EUSKADI

2006-10-02T20:57:00.000Z

YA TENEMOS PREPARÁU L'HOTEL Y L'AUTOCAR PA DIR EL 21 Y 22 D'OCHOBRE A BILBAO Y SAN SEBASTIÁN.
EL PRECIU YE DE 100 EUROS PA SOCIOS
Y DE 125 PA LOS QUE NUN LO SEAN
TA INCLUÍO: EL HOTEL NEL CENTRU S. SEBASTIÁN, CON PENSIÓN COMPLETA ( CENA DEL SÁBADU, ALMUERZU Y COMIDA DEL DOMINGU), ENTRADA AL MUSEO GUGGENHEIM Y AUTOCAR.
FECHA TOPE P'APUNTASE: EL 15 D'OCHOBRE
CONTACTU: VELINO 985602028 O NEL CHIGRE DEL CASCAYU

SERONDA 2006

2006-09-19T20:38:00.000Z

ACABÓSE ‘L BRANU Y VOLVEMOS A PREPARAR ACTIVIDAES PA LA SERONDA:

SETIEMBRE

Día 24: Ruta los mineros. La Güeria de Urbiés. Salida a les 10:00 h.

Día 30: La Berréa. Soto Casu. Salida a les 15:00 h. de Tolivia, depués hai que andar un par de hores per Soto.

OCHOBRE

Día 7: Escursión a la cueva El Soplao. Cantabria. Salida a les 8:30 h. Visita a la cueva a les 16 h. Hai que apuntase antes del día 24 de Setiembre pa facer les reserves de entraes. Los precios son de 10 euros pa los Socios y 18 euros pa No Socios. (Incluye autocar y entrada).

Dís 21 y 22: Fin de semana nel País Vascu. Visita al museo Gugengheim en Bilbao y noche en S. Sebastián. Informaremos de precios y hoteles na más que lo tengamos.

PAYARES

Día 4: Sábadu de miéu. Fadremos calaveres colos calabazos y veles, cuntaránse cuentos del más allá y los más atrevíos dirán a ver pasar la güestia alreor del Moráu....

Además en Ochobre van siguir los cursos que ya taben entamaos: Manualidaes, Baile Asturianu y Ximnasia. Tolos/es interesaos/es que pasen a apuntase pel chigre o contactando con Corina.

Tamién tenemos preparada la lotería de Navidá. Pondráse a la venta en breve. Esti añu vamos xugar al númeru 03944 a ver si hai daqué suertuca.

PA APUNTASE A LES RUTES O EXCURSIONES, Y TENER MÁS INFORMACIÓN, PASAR PEL CHIGRE O CONTACTAR CON VELINO NEL NÚMERU 985 60 20 28

RUTA LOS MINEROS

2006-08-20T17:40:00.000Z

El 24 setiembre a les 10 de la mañana va facese la IV ruta de los mineros a la Güeria Urbiés.
La xente que quiera dir que pase pel cascayu esi día hacia les 9:45 pa dir preparando la marcha.

FINÓ'L MERCÁU

2006-06-10T08:26:00.000Z

LA XUNTA DIRECTIVA DE L’ASOCIACIÓN CULTURAL Y RECREATIVA EL CASCAYU-TOLIVIA, QUIER AGRADECER PÚBLICAMENTE L’APOYU DEL PUEBLU TOLIVIA PA SACAR ALANTRE, CON MUNCHU ÉSITU, EL II MERCÁU TRADICIONAL DE TOLIVIA.

QUEREMOS FACEVOS LLEGAR LES FELICITACIONES QUE RECIBIMOS DE MUNCHOS SITIOS, FACELES ESTENSIVES A TOLOS VECINOS Y VECINES DE TOLIVIA, TAMIÉN A LOS ALLEGAOS Y COLLABORAORES, POL SO ESFUERZU Y SOFITU.

UNA VEZ MÁS TAMOS ORGULLOSOS DE REPRESENTAR A ESTI PUEBLU Y SENTÍMOSMOS REFORZAOS PA SIGUIR NA XERA DE REVITALIZAR EL PUEBLU DE TOLIVIA TOLO QUE PODAMOS (QUE YE UN OXETIVU PRIMORDIAL DE L’ASOCIACIÓN).

APROVECHAMOS LA OCASIÓN PA CONVIDAR A LOS SOCIOS Y SOCIES, VECINOS Y VECINES DE TOLIVIA Y TOLOS QUE COLLABORARON COL MERCÁU A UNA CENA-ESPICHA QUE VAMOS FACER EL SÁBADU 24 DE XUNU (DÍA SAN XUAN- SOLSTICIU DE VERANU). ESTA VEZ NUN VAMOS PIDIVOS QUE TRAIGÁIS NADA. VAMOS A DISFRUTAR, COMER, BEBER, BAILAR COLA CURDIÓN Y SALTAR LA FOGUERA. SERÁ UN HOMENAXE PA TODOS.

REITERAMOS EL NUESTRU AGRADECIMIENTU Y ESPERÁMOSVOS EL DÍA 24 EN CASCAYU A LES 21 H.

MERCÁU A LA VISTA

2006-05-21T10:45:00.000Z

Ya ta'n plan el II Mercáu de Tolivia. Pal prósimu fin de semana va a empezase el adecentamientu de tolos sitios onde van dir los puestos.
Pidimos a tola xente tola collaboración que puean damos pa que salga todo como l'añu pasáu, polo menos...
Esti añu amplíase el númeru de puestos a 45 asina que tenemos que extender el mercáu hasta la zona del llavaeru y ente La Capilla, casa Esther y casa Sunción , nesos sitios nun se podrán meter coches. Tamién pidimos a la xente que mos aporte coses pa comer tipo empanaes, tortielles, panchón casadielles, etc Y de pasu taría guapo que se pudieren facer llabores típiques: variar colchones, cabruñar, mazar mantega, etc Si facemos toles coses que tan planiáes será de los mercáos tradicionales más guapos d'Asturies.

LLAVADERU

2006-05-15T20:29:00.000Z

Tamos en plena reforma del llavaeru de Tolivia. L'Asociación El Cascayu entamó fai un par de selmanes la recuperación del emblemáticu inmueble, escenariu de tantes hores de trabayu de casi toles muyeres del pueblu. Como homenaxe a toes elles queremos llevanta-y el techu y dexalu afayaizu pal Mercáu.
Inclusive fadrase la inauguración neses feches representando una obra teatru allí mesmo.

¡¡VAYA FABES!!!!!

2006-05-01T17:01:00.000Z

Unes fabes de campeonato, un compangu de primera: resultáo, una fabada "que lo flipas". Sentímoslo por los ausentes pero nun sobró ni un gramu. (Solo alguna pelleya de tocín que quedó per algún platu)

PRIMERU MAYU

2006-04-26T17:33:00.000Z

Pues pa cellebrar el primeru mayu, y aunque seamos enforma folgazanes, vamos facer una potá fabes de la virgen. Tais toos invitaos a comer... y dempués pal Caleyón de Levinco!!!!!

PREPARANDO LES CHIRUQUES ...

2006-04-20T19:55:00.000Z

Llega la Primavera y tenemos que facer algo exerciciu pa que mos valga el traxebañu del 2005.
Asina que el domingu 23 d'abril toca facer la "Ruta les fuentes". Tolos que quieran facela tienen que tar en Cascayu a les 9:45 de la mañana.
Y pal 13 y 14 de mayu faese la "Marcha a Covadonga". Tolos que quieran apuntase contactar con Velino Mejido 985602028. ¡Nun lo dexar pa última hora...!

ESPICHÍSSSSIMA

2006-04-05T21:09:00.000Z

El Xueves Santu tenemos Espicha prepará. Ya sabéis: sidra Arbesú, comida comunal y buen humor.
Romperemos la pipa hacia les 13 h. Como siempre, caún que traiga la comida que considere. Valse empanaes, tortielles, pitu, gochu, xatu, llechuga, tomate, morgazu... Y daqué dulce pa matar el tiempu ente pinchu y pinchu. Esperámosvos a toos/es.

UN PUEBLU RESBARIOSU

2006-03-31T13:29:00.000Z

Tolivia ye un pueblu que nun tien de llano lo qu'ocupen dos sábanos. Por eso nunca se pudo facer un campu fútbol nin de baloncestu nin una cancha tenis... Ye cierto qu'antañu nun había afición a estos deportes y, como dicía Casimira, los paisanos nun teníen más entretenimientos que la tabierna y la bolera. Efeutivamente, había boleres y chigres en tolos pueblos y, col tiempu, fueron desapaeciendo: les unes primero y los otros dempués. Últimamente, la xente nuevo trata de rescatar esti tipu coses pa que los pueblos nun muerran dafechu: abren los chigres anque seya como centros sociales los fines de selmana y tamién recuperen les fiestes y los deportes tradicionales. Asina, fixéronse boleres en Boroñes, en Ribota o incluso en La Pola. En cuantu a Tolivia, desde que se creó l'Asociación, fáense al añu unes cuantes actividaes de tipu festivu y, polo menos, paez que'l pueblu cobra vida esos díes. A raíz del ésitu del Mercáu Tradicional del añu 2005 pensóse en restaurar los horros, que son el factor más atractivu pa la xente forastero. De momentu, nun se pudo facer ná nesti asuntu debío al desinterés o a la ruindá de los propietarios. Siempre pasa lo mesmo: val más dexar caer les cases o los horros que vendelos a daquién que quiera arreglalos. La xente marcha de los pueblos y, ensin embargu, naide quier desfacese d'un corral que ta cayendo, d'un cuartu d'horro col teyáu fundíu o d'un corripu que nun val más que p'acumular broza. Igual ye esta conducta un restu de lo mal que se pasó fai sesenta o setenta años... ¿Quién sabe?
En San Roque improvisóse una bolera delantre la rectoral y pensóse que sería bueno facer una (naturalmente nel pueblu, non en Rofrío nin en L'Arquera). Pero, ¡Oh desgracia!, esti pueblu nun tien terrenu llanu y lo poco amañoso qu'hai naide lo quier vender, quiciaes porque s'espere a una recalificación futura... En fin, que resulta enforma difícil facer coses interesantes pal pueblu si nun se cuenta cola collaboración de la xente (de los que viven nel pueblu o de los que tán fuera).
Por último, habrá que dir pensando ónde se va facer la foguera de San Xuan. ¿Daquién sabe d'un prau, una güertuca o un caspial amañosu pa facela? La lleña esti añu ta namás dir por ello al camín de La Grandiella porque tuvieron cortando pinos y hailo asgaya. El problema va tar en qu'arde muncho y pue ser que s'arme una gorda. Entós sería bueno topar otru sitiu pa la foguera que nun seya delantre la casa'l cura. Pero... esti pueblu nun ye llanu.

REUNIÓN DEL AGUA

2006-03-17T20:29:00.000Z

HAI CONVOCADA REUNIÓN INFORMATIVA PAL ASUNTU DE LA OBRA DEL AGUA, EL DÍA 18 DE MARZU NES ESCUELES DE TOLIVIA. LA HORA YE A LES 19.30 H.
ORDEN DEL DÍA:
ESTÁU DE LA OBRA
ESTÁU DE CUENTES
RUEGOS Y PREGUNTES

VIVIENDES SOCIALES

2006-03-01T20:26:00.000Z

Al paecer, van a ponese a arreglar les escueles y les cases de los maestros de Tolivia pa facer viviendes sociales.
La obra va facela Fucomi y va a empezar enseguida.
¿Qué te paez? ¿Tienes algún comentariu que facer? Pues ponelu nesti apartáu y abrir un debate bien guapu ...

Antroxu

2006-02-25T11:28:00.000Z

Yá ta aquí l'antroxu!!!
Que vaigan preparándose los mazcaritos!!!
Y en casa dir faciendo fayuelos y chocolate, qu'a los mázcaros da-yos muncho la fame hacia l'escurecer...
Esti añu yá sabéis que va de cuentos.

VERSIÓN DEL "OBLADÍ.." PAL ANTROXU.

Yá llegó l’antroxu otru añu más,
vete preparando yá’l disfraz,
ponte la careta, ponte l’antifaz,
pinta la cara, que la fiesta va entamar.

Obladí, obladá, a cantar,
que yá llegó’l carnaval.

Si nun tienes perres pa comprar disfraz
busca trapos vieyos pel desván,
píntate’l focicu, nun lo pienses más,
nun seas coyuela, que la fiesta va entamar.

Obladí, obladá, a cantar,
que yá llegó’l carnaval.

Y nel Cascayu toca festival
y toos vamos a desfilar.
Eso sí que va prestar.

Esta ye una fiesta qu’hai que disfrutar,
ye la más allegre y popular,
ponte a dar berríes como un animal
y sal de casa, que la fiesta va entamar.

Obladí, obladá, a cantar,
que yá llegó’l carnaval.

Y nel Cascayu toca festival
y toos vamos a desfilar.
Eso sí que va prestar.

Grandes y pequeños tienen la ocasión
de cambiar de personalidá,
hai qu’echar un poco d’imaxinación
y a disfrutar, que la fiesta va entamar.

Obladí, obladá, a cantar,
que yá llegó’l carnaval.

Fotos de la cena

2006-02-19T12:25:00.000Z

Ya podeis ver les primeres fotos de la cena de socios d'esti añu, calca aquí
Si mos faceis llegar más fotos vamos subiéndoles poco a poco.

Formidable partíu fútbol

2006-02-11T23:08:00.000Z

Otru triunfu más del imparable equipu de la República Independiente de Tolivia, que supón el mantener la racha de triunfos más contundente que la mio memoria recuerde (hubo una derrota, pero nun se cuenta porque los otros yeren mui buenos).
A les 18:30 del día 11 nel campu de Lada (una alfombra), l'equipu despliegó un xuegu maxistral dirixíu pol recién llegáu al pueblu Luisen, bien arrodiáu por Michi y Loi. Na portería tuvo que ponese René porque Gelón llegó venti menutos tardi. Y René, hai que reconocer que tapa muncha portiella, féxolo perbién. Depués Gelón fexo un de los meyores partíos de la temporada con un par de banzorraes, a balones que diben tiraos con mui males pulgues, que llevantaren al públicu de los escalones.
Na defensa, Maro, Javi y Crímenes tuvieron perfectos na primera parte, dempués René y Jose Luis tamién treparon lo suyo. Ovidio entraba pela mandrecha como'l cuchiellu na mantega, llevando peligru ca vez que ponía la directa. Pela manzorga, Olegario desbordaba ellazando con David y Epi que formaben la punta d'un equipu que diba encerrando al rival alrodiu del so porteru (Tinín el de Pando).
Total que ganamos con goles de David, Crímenes, Ovidio (2) y Epi por na más que tres de los otros rapazos, que xugaron mui bien, pero nun pudieron adomar a los "robecos verdes" de Tolivia.
Dende Lada informó Falín Castrón

ARTÍCULO REVISTA RUNNER'S

2006-02-11T22:51:00.000Z

canal satélite

2006-02-10T21:33:00.000Z

Desde yá mesmo, nel chigre Corea, yá tenemos furrulando'l canal satélite.
Asina que pasái per allí a velo, que tenemos que saca-y rentabilidá. Tolos domingos partíu, y películes cuando vos pete....Esto ye jauja!!!!

Cena de l'Asociación

2006-02-08T20:17:00.000Z

El día 18 febreru a les 22 h., en Villoria, ye la cena d'esti añu.
El preciu pa los socios ye de 20€ y pa los non socios 30€. El menú será:
sopa mariscu, cabritu (o apaecío) y postre. Depués, claro, un pocu bailotéu.
Pa dir hai qu'apuntase enantes del xueves 16. Contactar con Javi o con cualquiera de la Xunta directiva.

ACTIVIDAES FEBRERU 2006

2006-02-04T08:44:00.000Z

EL DÍA 18 DE FEBRERU YE LA CENA DE LA ASOCIACIÓN. ESTI AÑU SERÁ EN VILLORIA, NEL RESTAURANTE "PEÑA MEA".

EL 25 FEBRERU FADREMOS L'ANTROXU. EL TEMA YE "CUENTOS INFANTILES"

AL RODIU ESTI MES LOS PROPIETARIOS DE HORROS PUEDEN SOLICITAR UNA SUBVENCIÓN PA REPARALOS.
DESDE LA ASOCIACIÓN EL CASCAYU, TAMOS DISPUESTOS A ECHA-YOS UNA MANO PA LA CUESTIÓN DEL PAPELEO Y ENCARGAMOS DE PREPARAR LOS DOCUMENTOS QUE FAGAN FALTA Y LLEVALOS AL PRINCIPÁU. AMÁS, SI CONCEDEN L'AYUDA TAMOS DISPUESTOS A TRABAYAR CON ELLOS. EL CASU YE QUE NUN DESAPAEZCAN MÁS HORROS.

Semeyes

2006-01-28T20:05:00.000Z

Podéis ver semeyes de coses que facemos, calcando aquí

Procuraremos dir metiendo fotos ca poco.

Llegó la nieve

2006-01-28T13:43:00.000Z

El vienres pela nueche ganchóse a nevar y amaneció'l sábadu con tol pueblu cubiertu. Cayíen unos trapos como fayuelos. Pue vese bien na foto.

Cross 2006

2006-01-28T12:26:00.000Z

El día 21 de xineru, con motivu de les fiestes de San Antón, cellebróse en Tolivia la Primera Carrera "Les Meloneres". El ganador foi Martín Álvarez, que fexo los 7,3 Km. en 34 minutos y 24 segundos.