11.2.06

Formidable partíu fútbol


Otru triunfu más del imparable equipu de la República Independiente de Tolivia, que supón el mantener la racha de triunfos más contundente que la mio memoria recuerde (hubo una derrota, pero nun se cuenta porque los otros yeren mui buenos).
A les 18:30 del día 11 nel campu de Lada (una alfombra), l'equipu despliegó un xuegu maxistral dirixíu pol recién llegáu al pueblu Luisen, bien arrodiáu por Michi y Loi. Na portería tuvo que ponese René porque Gelón llegó venti menutos tardi. Y René, hai que reconocer que tapa muncha portiella, féxolo perbién. Depués Gelón fexo un de los meyores partíos de la temporada con un par de banzorraes, a balones que diben tiraos con mui males pulgues, que llevantaren al públicu de los escalones.
Na defensa, Maro, Javi y Crímenes tuvieron perfectos na primera parte, dempués René y Jose Luis tamién treparon lo suyo. Ovidio entraba pela mandrecha como'l cuchiellu na mantega, llevando peligru ca vez que ponía la directa. Pela manzorga, Olegario desbordaba ellazando con David y Epi que formaben la punta d'un equipu que diba encerrando al rival alrodiu del so porteru (Tinín el de Pando).
Total que ganamos con goles de David, Crímenes, Ovidio (2) y Epi por na más que tres de los otros rapazos, que xugaron mui bien, pero nun pudieron adomar a los "robecos verdes" de Tolivia.
Dende Lada informó Falín Castrón

2 Comments:

Anonymous Anónimo said...

JKJHKJHKHKJHKJ

miércoles, febrero 15, 2006 11:51:00 a. m.  
Anonymous Anónimo said...

Tovía xueguen Epi y Gelón? Hai que h.odese cola tercera edá...

martes, marzo 21, 2006 12:19:00 p. m.  

Publicar un comentario

<< Home

ecoestadistica.com